ជនបង្គោលតំណាងក្រសួង
កម្មវិធីពន្លកចំណេះ ដំណាក់កាលទី១ បានមើលឃើញពីសារៈសំខាន់នៃការចូលរួមរបស់ក្រសួងក្នុងដំណើរការអនុវត្តកម្មវិធី ដូច្នេះកម្មវិធីពន្លកចំណេះបានសហការជាមួយជនបង្គោលតំណាងក្រសួង ចំនួន ២១រូប ។ កម្មវិធីពន្លកចំណេះ ដំណាក់កាលទី២ បានបន្ត និងពង្រឹងការអនុវត្តកិច្ចសហការនេះដើម្បីឲ្យស្របទៅតាមការប្តេជ្ញាចិត្តរបស់កម្មវិធីក្នុងការរក្សា និងកែលម្អយុទ្ធសាស្ត្រកិច្ចសហការប្រកបដោយជោគជ័យ ។
កិច្ចសហការរវាងជនបង្គោលតំណាងក្រសួង និងកម្មវិធីពន្លកចំណេះរួមមាន៖
- ចែករំលែកពីព័ត៌មាននៃដំណើរការគោលនយោបាយសំខាន់ៗ ដែលរាប់បញ្ជូល ការស្រាវជ្រាវ និង កិច្ចពិភាក្សា។ ក្រុមការងារកម្មវិធីនឹងផ្ញើជូនព័ត៌មានថ្មីៗជាប្រចាំ។
- ចូលរួមក្នុងការពិភាក្សាគោលនយោបាយកម្មវិធីពន្លកចំណេះ។
- សម្របសម្រួលការតភ្ជាប់ជាមួយមន្រ្តីពាក់ព័ន្ធនៅក្នុងក្រសួង និងបណ្ដាញផ្សេងៗ។
- ចូលរួមក្នុងកម្មវិធីចែករំលែកចំណេះដឹង ដែលផ្តោតលើប្រធានបទដូចជា ការត្រួតពិនិត្យ និងការវាយតម្លៃ វិធីសាស្ត្រស្រាវជ្រាវ និងការស្វែងរកប្រភពទិន្នន័យដែលរៀបចំដោយកម្មវិធីពន្លកចំណេះ។
សមាជិកជនបង្គោលតំណាងក្រសួងរបស់កម្មវិធីរួមមាន៖
- ឯកឧត្តម អ៊ុក សំរេច រដ្ឋលេខាធិការក្រសួងព័ត៌មាន
- ឯកឧត្តមបណ្ឌិត ឃ្លោក ដារ៉ា ប្រតិភូរាជរដ្ឋាភិបាល និងអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ នៃក្រសួងយុត្តិធម៌
- ឯកឧត្តម ឈុន ពុទ្ធារិទ្ធ អគ្គនាយកនៃអគ្គនាយកដ្ឋានកិច្ចការបច្ចេកទេស នៃក្រសួងធនធានទឹកនិងឧតុនិយម
- ឯកឧត្តមបណ្ឌិត សោម បូរ៉ាន់ អគ្គនាយកស្តីទីនៃអគ្គនាយកដ្ឋានដោះស្រាយបណ្តឹង នៃក្រសួងអធិការកិច្ច
- ឯកឧត្តមបណ្ឌិត ហ៊ន ធារ៉ា អគ្គនាយកនៃអគ្គនាយកដ្ឋានប្រៃសណីយ៍ នៃក្រសួងប្រៃសណីយ៍និងទូរគមនាគមន៍
- លោក ឈុន មករា នាយករងវិទ្យាស្ថានជាតិអធិការកិច្ច នៃក្រសួងអធិការកិច្ច
- ឯកឧត្តម ជ័យ សម្បត្តិផល្លា ប្រធានអង្គភាពវិភាគ និងអភិវឌ្ឍន៍គោលនយោបាយ នៃលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.)៕