សេចក្តីប្រកាស

សូមបង្ហាញដៃគូនវានុវត្តន៍ទី៤​ របស់កម្មវិធីពន្លកចំណេះ «សាកលវិទ្យាល័យជាតិបាត់ដំបង (NUBB)​»

សប្តាហ៍នេះ យើងមានសេចក្តីរីករាយក្នុងការបង្ហាញគម្រោងស្រាវជ្រាវរបស់មជ្ឈមណ្ឌលកិច្ចសហប្រតិបត្តិការ (UICC) នៃសាកលវិទ្យាល័យជាតិបាត់ដំបង។  

គម្រោងស្រាវជ្រាវនេះស្តីពី៖ «ការធ្វើឱ្យប្រសើរឡើងនូវប្រព័ន្ធនវានុវត្តន៍ក្នុងតំបន់ តាមរយៈកិច្ចសហប្រតិបត្តិការរវាងសាកលវិទ្យាល័យ អាជ្ថាធរខេត្ត មន្ទីរពាក់ព័ន្ធ និងសហគ្រាសនៅថ្នាក់ខេត្ត»។ 

ការស្រាវជ្រាវនេះមានគោលដៅក្នុងការអនុវត្តនូវសេវាផ្ទេរ បច្ចេកវិទ្យាដែលជំរុញដោយការផ្គត់ផ្គង់ ដើម្បីគាំទ្រដល់សហគ្រាសធុនតូច និងមធ្យមក្នុងស្រុកនៅភូមិភាគពាយ័ព្យនៃប្រទេសកម្ពុជា។ នេះជាវិធីសាស្ត្រមួយផ្សេងទៀតបន្ថែមពីលើ សេវាផ្ទេរបច្ចេកវិទ្យាដែលជំរុញដោយតម្រូវការ ដែលមានស្រាប់ និងកំពុងគាំទ្រផ្នែកបច្ចេកវិទ្យាដល់សហគ្រាសធុនតូច និងមធ្យមក្នុងស្រុកនាពេលបច្ចុប្បន្ន។ 

គម្រោងស្រាវជ្រាវនេះកំពុងចាប់ផ្តើមហើយ សូមកុំភ្លេចរង់ចាំតាមដានគម្រោងថ្មីនេះទាំងអស់គ្នាណា៎!​ 

ដើម្បីស្វែងយល់បន្ថែមអំពីសាកលវិទ្យាល័យជាតិបាត់ដំបង សូមចុចនូវតំណរភ្ជាប់នេះ៖ សាកលវិទ្យាល័យជាតិបាត់ដំបង (NUBB) | Policy Pulse

ថវិកាគាំទ្រសកម្មភាពបែបនវានុវត្តន៍របស់កម្មវិធីពន្លកចំណេះគាំទ្រគំនិតផ្តួចផ្តើមក្នុងស្រុក ដោយដោះស្រាយបញ្ហាជាក់លាក់នៅមូលដ្ឋាន តាមរយៈកិច្ចសហការរវាងអង្គការសង្គមស៊ីវិល និងអាជ្ញាធរមូលដ្ឋាន។ 

ថវិកាគាំទ្រសកម្មភាពបែបនវានុវត្តន៍របស់កម្មវិធីពន្លកចំណេះ ទទួលបានការគាំទ្រពីក្រសួងការបរទេសនិងពាណិជ្ជកម្មអូស្ត្រាលី តាមរយៈកម្មវិធីពន្លកចំណេះ៖ ទិន្នន័យ និងការពិភាក្សាដើម្បីការអភិវឌ្ឍនៅកម្ពុជា របស់អង្គការមូលនិធិអាស៊ី។