បាឋកថាគោលនយោបាយ

អង្គកាគណៈកម្មាធិការសហប្រតិបត្តិការដើម្បីកម្ពុជា (CCC) ដែលជាដៃគូចូលរួមក្នុងគោលនយោបាយរបស់កម្មវិធីពន្លកចំណេះ បានសហការជាមួយនាយកដ្ឋានពន្ធដារ រៀបចំសិក្ខាសាលាជាតិស្តីពី៖ «កាតព្វកិច្ច និង នីតិវិធីក្នុងការធ្វើបច្ចុប្បន្នភាពពន្ធដារស្របតាមច្បាប់ស្តីពីសារពើពន្ធសម្រាប់សមាគម និងអង្គការមិនមែនរដ្ឋាភិបាល » ដែលមាន អ្នកចូលរួមប្រមាណ​ ២៤០នាក់​ តំណាងសមាគម និងអង្គការមិនមែនរដ្ឋាភិបាលក្នុងស្រុក និងអន្តរជាតិក្នុងប្រទេស​កម្ពុជា។ 

 គោលបំណងនៃសិក្ខាសាលានេះគឺ ដើម្បីពង្រឹងការយល់ដឹង​អំពីការអនុវត្តកាតព្វកិច្ចសារពើពន្ធ និងនីតិវិធីក្នុងការធ្វើបច្ចុប្បន្នភាព រួមទាំងផ្តល់ឱកាសដល់សមាគម និងអង្គការមិនមែនរដ្ឋាភិបាលលើកឡើងពីបញ្ហាប្រឈមរបស់ខ្លួនក្នុងការអនុវត្តកាតព្វកិច្ចសារពើពន្ធ។