បាឋកថាគោលនយោបាយ

«សន្និសីទគោលនយោបាយអប់រំជាតិលើកទី៥ » ដែលរៀបចំឡើងដោយវិទ្យាស្ថានធនធានអភិវឌ្ឍន៍កម្ពុជា (CDRI) ដៃគូយុទ្ធសាស្រ្តរបស់កម្មវិធីពន្លកចំណេះ សហការជាមួយក្រសួងអប់រំ យុវជន និងកីឡា (MoEYS) បានប្រមូលផ្តុំអ្នកចូលរួមប្រមាណ ៧០០នាក់ ទាំងអ្នកចូលរួមផ្ទាល់ និងតាមអនឡាញ រួមមាន ថ្នាក់ដឹកនាំសាលារៀន តំណាងសហគមន៍ មន្រ្តីអប់រំ អ្នកស្រាវជ្រាវ ដៃគូសង្គមស៊ីវិល និងដៃគូអភិវឌ្ឍន៍។ សន្និសីទនេះបានឆ្លុះបញ្ចាំងរួមគ្នាអំពីការចូលរួមរបស់សាលារៀន និងសហគមន៍កាន់តែរឹងមាំដែលអាចគាំទ្រដល់ការអនុវត្តស្តង់ដារសាលាគំរូទូទាំងប្រទេសកម្ពុជាប្រកបដោយប្រសិទ្ធភាព។​ 

ក្នុងរយៈពេល២ថ្ងៃ អ្នកចូលរួមបានស្វែងយល់៖ 

• របៀបដែលសាលា​រៀន និងសហគមន៍យល់ និងអនុវត្តស្តង់ដារសាលាគំរូ
• យុទ្ធសាស្រ្តដើម្បីបង្កើនកិច្ចសហការវាងសាលារៀន​ និងសហគមន៍សម្រាប់ការរៀនសូត្ររបស់សិស្ស
• មេរៀន វឌ្ឍភាព និងបញ្ហាប្រឈមពីការអនុវត្តយុទ្ធសាស្រ្តសហគមន៍សាលា​ និងស្តង់ដារសាលាគំរូ
• អាទិភាពក្នុងការពង្រឹងអភិបាលកិច្ចសាលារៀន ការទទួលខុសត្រូវ និងការអនុវត្តការអប់រំប្រកបដោយបរិយាបន្ន។