ក្រសួងពាណិជ្ជកម្ម

ក្រសួងពាណិជ្ជកម្មបានចេញសេចក្ដីជូនដំណឹង ស្ដីពី៖ ការដាក់ឱ្យប្រើប្រាស់​ប្រព័ន្ធស្វ័យប្រវត្តកម្មបណ្ដោះអាសន្ន (Interim Solution) ក្នុងការផ្ដល់វិញ្ញាបនបត្របញ្ជាក់ដើមកំណើតទំនិញ ជូនក្រុមហ៊ុននាំចេញ ចុះថ្ងៃទី​១១ ខែមីនា ឆ្នាំ២០២១ (ប្រភព៖ ក្រសួងពាណិជ្ជកម្ម)។

ក្រសួងពាណិជ្ជកម្មបានសេចក្ដីជូនដំណឹងស្ដីពី៖ ការចាប់ផ្ដើមអនុវត្ដប្រកាសអន្តរក្រសួងលេខ៣១៥ សហវ.ប្រក ចុះថ្ងៃទី១២ ខែឧសភា ឆ្នាំ២០២១ ស្ដីពីការផ្ដល់សេវាសាធារណៈរបស់ក្រសួងពាណិជ្ជកម្ម និងប្រកាសអន្តរក្រសួងលេខ៣១៦ សហវ.ប្រក ចុះថ្ងៃទី១២ ខែឧសភា ឆ្នាំ២០២១ការពិន័យជាប្រាក់ដែលស្ថិតនៅក្នុងសមត្ថកិច្ចរបស់ក្រសួងពាណិជ្ជកម្ម ចាប់ពីថ្ងៃទី២៦ ខែឧសភា ឆ្នាំ២០២១ តទៅ​ ចុះថ្ងៃទី២២ ខែឧសភា ឆ្នាំ២០២១ (ប្រភព៖ ក្រសួងពាណិជ្ជកម្ម)។

ក្រសួងពាណិជ្ជកម្មបានចេញសេចក្តីជូនដំណឹងស្ដីពី៖ ការផ្តល់លិខិតអនុញ្ញាត ឬអាជ្ញាបណ្ណពាណិជ្ជកម្មតាមប្រព័ន្ធអេឡិចត្រូនិក ចុះថ្ងៃទី២៦ ខែឧសភា ឆ្នាំ២០២១ (ប្រភព៖ ក្រសួងពាណិជ្ជកម្ម)។​

ក្រសួងពាណិជ្ជកម្មបានចេញសេចក្ដីប្រកាសស្ដីពី ការចុះឈ្មោះជាមុនក្នុងផ្សារពាណិជ្ជកម្មតាមប្រព័ន្ធអេឡិចត្រូនិក CambodiaTrade ចុះថ្ងៃទី០៩ ខែមិថុនា ឆ្នាំ២០២១ (ប្រភព៖ ក្រសួងពាណិជ្ជកម្ម)។

ក្រសួងពាណិជ្ជកម្មបានចេញសេចក្តីជូនដំណឹងស្ដីពី៖ ការដាក់ឱ្យអនុវត្តវិញ្ញាបនបត្របញ្ជាក់ដើមកំណើតទំនិញទម្រង់ AHK (FORM AHK) តាមរយៈប្រព័ន្ធស្វ័យប្រវត្តកម្មរបស់ក្រសួងពាណិជ្ជកម្ម ចុះថ្ងៃទី១១ ខែមិថុនា ឆ្នាំ២០២១ (ប្រភព៖ ក្រសួងពាណិជ្ជកម្ម)។​

ក្រសួងពាណិជ្ជកម្មបានចេញសេចក្ដីប្រកាសស្ដីពី ការណែនាំពីរបៀបចុះឈ្មោះ លើផ្សារពាណិជ្ជកម្មតាមប្រព័ន្ធអេឡិចត្រូនិក CambodiaTrade ចុះថ្ងៃទី១៤ ខែមិថុនា ឆ្នាំ២០២១ (ប្រភព៖ ក្រសួងពាណិជ្ជកម្ម)។

ក្រសួងពាណិជ្ជកម្មបានចេញសេចក្តីជូនដំណឹងទាក់ទងនឹងការបម្រុងទុកនាមករណ៍ក្រុមហ៊ុន និងសហគ្រាស។ ក្រសួងពាណិជ្ជកម្ម ថ្ងៃទី១ ខែតុលា ឆ្នាំ២០២០

រាជរដ្ឋាភិបាលកម្ពុជាបានចេញអនុក្រឹត្យស្តីពីការរៀបចំ និងការប្រព្រឹត្តទៅនៃគណៈកម្មការជាតិសម្រាប់ការការពារអ្នកប្រើប្រាស់ ក្នុងគោលបំណងពង្រឹង និងជំរុញការអនុវត្តប្រកបដោយប្រសិទ្ធភាពទៅលើច្បាប់ស្តីពីការការពារអ្នកប្រើប្រាស់ និងការធ្វើពាណិជ្ជកម្មដោយសុចរិត ។ រាជរដ្ឋាភិបាលកម្ពុជា ក្រសួងពាណិជ្ជកម្ម ថ្ងៃទី ២៧ ខែសីហា ឆ្នាំ ២០២០

រាជរដ្ឋាភិបាលកម្ពុជាបានចេញអនុក្រឹត្យស្តីពីការកំណត់ប្រភេទ បែបបទ និងនីតិវិធីនៃការផ្តល់លិខិតអនុញ្ញាត ឬអាជ្ញាប័ណ្ណដល់អន្តរការី និងបុគ្គលដែលផ្តល់សេវាកម្មពាណិជ្ជកម្មតាមប្រព័ន្ធអេឡិចត្រូនិច និងការលើកលែង។ រាជរដ្ឋាភិបាលកម្ពុជា ក្រសួងពាណិជ្ជកម្មក្រសួងប្រៃសណីយ៍ និងទូរគមនាគមន៍ ថ្ងៃទី២៧ ខែសីហា ឆ្នាំ២០២០

ចាប់ពីឆ្នាំ២០២០តទៅ ក្រសួងពាណិជ្ជកម្មបានធ្វើប្រតិភូកម្មដែលអនុញ្ញាតឱ្យមន្ទីពាណិជ្ជកម្មខេត្តអាចចេញទម្រង់បែបបទ D ដែលបញ្ជក់ពីវិញ្ញាបនប័ត្របញ្ជាក់ពីប្រភពដើម ដើម្បីសម្រួលដល់សកម្មភាពធុរកិច្ច និងការនាំចេញ។ វិញ្ញាបនប័ត្របញ្ជាក់ពីប្រភពដើមគឺជាឯកសារផ្លូវការមួយសម្រាប់បញ្ជាក់ពីប្រភពដើមរបស់ផលិតផលមួយដែលត្រូវបានផលិតនៅក្នុងប្រទេសមួយ។ វីញ្ញាបនប័ត្រនេះគឺជាឯកសារគោលដែលចាំបាច់តម្រូវដោយអ្នកទិញ។ ក្រុមហ៊ុនទាំងអស់តម្រូវឱ្យស្នើសុំ វិញ្ញបនប័ត្របញ្ជាក់ពីប្រភពដើម ឬទម្រង់បែបបទ D ដើម្បីអាចនាំចេញផលិតផលទៅកាន់បណ្តាប្រទេសនៅក្នុងតំបន់អាស៊ីអាគ្នេយ៍។ បច្ចុប្បន្ន ខេត្តចំនួន១៦ត្រូវបានអនុញ្ញាតឱ្យចេញវិញ្ញាបនប័ត្រនេះ ដែលបានពង្រឹងការកិច្ចសហប្រតិបត្តិការរវាងអាជ្ញាធរជាតិ និងថ្នាក់ក្រោមជាតិ។ បើយោងតាមក្រសួង ការស្នើសុំទម្រង់បែបបទ D ពីមន្ទីរពាណិជ្ជកម្មចំណាយពេលត្រឹមតែ១៦ម៉ោងប៉ុណ្ណោះ បើប្រៀបធៀបនឹងការស្នើសុំនៅក្រសួងពាណិជ្ជកម្មវិញ ការស្នើសុំត្រូវចំណាយពេលពី១០ថ្ងៃ ទៅពីសប្តាហ៍។ កាសែតខ្មែរថាមស៍ ចុះថ្ងៃទី៦ ខែមករា ឆ្នាំ២០២០