អំពីពន្លកចំណេះ

អង្គការមូលនិធិអាស៊ី កំពុងអនុវត្ត កម្មវិធីពន្លកចំណេះ៖ ទិន្នន័យ និងការពិភាក្សាដើម្បីការអភិវឌ្ឍនៅកម្ពុជា ដំណាក់កាលទី២ (២០២៣-២០២៧) ដោយមានការគាំទ្រពីក្រសួងការបរទេស និងពាណិជ្ជកម្មអូស្រ្តាលី កម្មវិធីពន្លកចំណេះ មានគោលបំណងរួមចំណែកដល់ការសម្រេចចិត្តផ្នែកគោលនយោបាយសាធារណៈ ដែលផ្អែកលើទិន្នន័យ និងការពិភាក្សាប្រកបដោយបរិយាបន្ន ត្រូវបានអនុវត្ត និងក្លាយជាបទដ្ឋាន។ សូមស្វែងរកការសង្ខេបនៃកម្មវិធីតាមរយៈតំណភ្ជាប់នេះ។

លទ្ធផលរំពឹងទុករបស់កម្មវិធីពន្លកចំណេះ

លទ្ធផលអន្តរកាលទី ១៖ ការស្រាវជ្រាវគោលនយោបាយត្រូវបានធ្វើឡើងដោយផ្អែកលើប្រភពទិន្នន័យចម្រុះ និងប្រកបដោយបរិយាបន្ន
លទ្ធផលអន្តរកាលទី ២៖ លទ្ធផលនៃការស្រាវជ្រាវគោលនយោបាយត្រូវបានផ្សព្វផ្សាយដល់ក្រុមគោលដៅចម្រុះយ៉ាងមានប្រសិទ្ធភាព
លទ្ធផលអន្តរកាលទី ៣៖ ដំណើរការកិច្ចពិភាក្សាគោលនយោបាយ ប្រកបដោយបរិយាបន្នត្រូវបានអនុវត្ត និងសាកល្បងជាមួយតួអង្គចម្រុះ
លទ្ធផលអន្តរកាលទី ៤៖ ស្ត្រី (និងក្រុមដែលត្រូវបានផាត់ចេញផ្សេងទៀត) ចូលរួមយ៉ាងសកម្មក្នុងដំណើរការស្រាវជ្រាវ និងការពិភាក្សាគោលនយោបាយ
លទ្ធផលរំពឹងទុករបស់កម្មវិធី៖ នៅឆ្នាំ២០២៧ ដំណើរការតាក់តែងគោលនយោបាយសាធារណៈលើវិស័យមួយចំនួននឹងមានការប្រឹក្សាយោបល់ប្រកបដោយបរិយាបន្ន ព្រមទាំងរៀបចំឡើងដោយផ្អែកលើទិន្នន័យចម្រុះ និងអាចទុកចិត្តបាន

ការដាក់បញ្ចូលសមភាពយេនឌ័រ ពិការភាព និងបរិយាបន្នសង្គម និងការប្រែប្រួលអាកាសធាតុ ទៅក្នុងកម្មវិធីទាំងមូល។

យន្តការរបស់កម្មវិធី

ការរៀបចំយន្តការ៖ កំណត់ និងផ្តោតលើឱកាស ជាជាងផ្តោតលើបញ្ហា
សមាហរណកម្ម៖ ដាក់បញ្ចូលសកម្មភាពបន្សុំានឹងការប្រែប្រួលអាកាសធាតុ និងសមភាពយេនឌ័រ ពិការភាព និងបរិយាបន្នសង្គម
ការពិសោធ៖ សាកល្បងគំរូនៃការស្រាវជ្រាវ និងការពិភាក្សាបែប បរិយាបន្ននៅក្នុងដំណើការគោលនយោបាយ
ការគាំទ្រអ្នកស្រាវជ្រាវក្នុងស្រុក៖ គាំទ្រអ្នកស្រាវជ្រាវវ័យក្មេងតាមរយៈកម្មវិធីផ្សេងៗ
ការកំណត់គោលជំហរនៅក្នុងដំណើរការគោលនយោបាយ៖ ផ្តោតលើការកសាងទំនាក់ទំនង ទំនុកចិត្ត ការទទួលយក និងការពង្រីកបណ្តាញទំនាក់ទំនង

សកម្មភាពរបស់យើង

ទិន្នន័យចម្រុះ និងអាចទុកចិត្តបាន៖ ពង្រឹងការស្រាវជ្រាវ ដែលផ្អែកលើប្រភពទិន្នន័យចម្រុះ និងប្រកបដោយបរិយាបន្ន
ការពិភាក្សាប្រកបដោយបរិយាបន្ន៖ ដំណើរការពិភាក្សាគោលនយោបាយ ដែលមានការចូលរួមសហការប្រកបដោយបរិយាបន្ន
ការផ្សព្វផ្សាយយ៉ាងមានប្រសិទ្ធភាព៖ ផ្សព្វផ្សាយលទ្ធផលនៃការស្រាវជ្រាវគោលនយោបាយដល់ក្រុមគោលដៅចម្រុះយ៉ាងមានប្រសិទ្ធភាព
ការចូលរួមប្រកបដោយអត្ថន័យ៖ បង្កើនសំឡេងរបស់ស្រ្តី ជនមានពិការភាព និងក្រុមងាយរងគ្រោះផ្សេងទៀតនៅក្នុងសកម្មភាពរបស់កម្មវិធី

ដៃគូរបស់កម្មវិធី

គណៈកម្មាធិការប្រឹក្សាផ្នែកបច្ចេកទេស៖ ត្រូវបានផ្តួចផ្តើមឡើងដោយមានការចូលរួមពីតំណាងរាជរដ្ឋាភិបាល អ្នកជំនាញ អ្នកស្រាវជ្រាវ និងអង្គការសង្គមស៊ីវិល
ដៃគូយុទ្ធសាស្រ្ត៖ វិទ្យាស្ថានស្រាវជ្រាវកម្ពុជាចំនួន៥ នឹងធ្វើការស្រាវជ្រាវគោលនយោបាយ ផ្សព្វផ្សាយ និងរៀបចំ ការពិភាក្សា
ក្រុមជំនាញផ្នែកសមភាពយេនឌ័រ ពិការភាព និងបរិយាបន្នសង្គម៖ អង្គការសង្គមស៊ីវិលក្នុងស្រុកចំនួន៣ ដែលមានជំនាញផ្នែកសមភាពយេនឌ័រ និងសិទ្ធិជនមានពិការភាព
ដៃគូនវានុវត្តន៍៖ ថវិកាអនុវត្តសកម្មភាពកញ្ចប់តូចចំនួន ៦ នឹងគាំទ្រដល់ការស្រាវជ្រាវ និងការពិភាក្សាប្រកបដោយនវានុវត្តន៍ ថវិកាអនុវត្តសកម្មភាពដែលមានការចូលរួមសហការពីរាជរដ្ឋាភិបាល
បណ្តាញស្រ្តីក្នុងវិស័យស្រាវជ្រាវ៖ មានគោលបំណងលើកកម្ពស់ការចូលរួមរបស់ស្រ្តី និងពង្រឹងបរិយាបន្ន ក្នុងវិស័យស្រាវជ្រាវ