សង្ខេបវេទិកាគោលនយោបាយថ្នាក់ជាតិឆ្នាំ២០២៥

កាលបរិច្ឆេទ៖ ថ្ងៃ សុក្រ, 5 កញ្ញា 2025
ម៉ោង៖ 8:00 am > 5:00 pm
ចំនួនអ្នកចូលរួម៖ 0
ទីកន្លែង៖ Phnom Penh

ជាមួយការគាំទ្រពីរាជរដ្ឋាភិបាលអូស្រ្តាលី វេទិកាគោលនយោបាយថ្នាក់ជាតិឆ្នាំ២០២៥ របស់កម្មវិធីពន្លកចំណេះ ក្រោមមូលបទ “ការតាក់តែងគោលនយោបាយប្រកបដោយបរិយាបន្ននៅក្នុងបរិបទប្រែប្រួល៖ ការផ្សារភ្ជាប់ចំណេះដឹង គោលនយោបាយ និងមនុស្សជាតិ” បានប្រមូលផ្ដុំអ្នកតាក់តែងគោលនយោបាយ អ្នកស្រាវជ្រាវ អង្គការសង្គមស៊ីវិល ដៃគូអភិវឌ្ឍន៍ វិស័យឯកជន និងតំណាងសហគមន៍ជាង ២០០ នាក់ តាមរយៈកម្មវិធីពន្លកចំណេះ ២៖ ទិន្នន័យ និងការពិភាក្សាដើម្បីការអភិវឌ្ឍនៅកម្ពុជា របស់អង្គការមូលនិធិអាស៊ី។

ប្រយោជន៍សំខាន់ៗ (Key Takeaways)

រដ្ឋាភិបាល ស្ថាប័នស្រាវជ្រាវ និងសង្គមស៊ីវិលបានកំណត់ឱកាសក្នុងការរួមបញ្ចូលការស្រាវជ្រាវ និងទិន្នន័យទៅក្នុងការអនុវត្តយុទ្ធសាស្ត្រកម្ពុជាស្តីពីសមភាពយេនឌ័រ ពិការភាព ការបន្សាំអាកាសធាតុនៅតំបន់ឆ្នេរ និងកិច្ចគាំពារសង្គម។ នេះពង្រឹងកិច្ចខិតខំប្រឹងប្រែងរបស់ប្រទេសក្នុងការដោះស្រាយបញ្ហាប្រឈមដែលចាក់ឫសយ៉ាងជ្រៅ។
សំឡេងចម្រុះ រួមទាំងស្ត្រី យុវជន ជនជាតិភាគតិច និងជនពិការ ត្រូវបានលើកកម្ពស់ក្នុងការកំណត់អាទិភាពគោលនយោបាយ។ នេះធានាថាការតាក់តែងគោលនយោបាយឆ្លុះបញ្ចាំងពីតម្រូវការរបស់ក្រុមទាំងអស់នៅក្នុងសង្គម និងពង្រឹងការរួមបញ្ចូលនៃយុទ្ធសាស្ត្រជាតិ។
ពិធីសម្ពោធឯកសារគោលការណ៍ណែនាំរបស់កម្មវិធីពន្លកចំណេះ បានពង្រឹងការប្តេជ្ញាចិត្តចំពោះគុណភាពនៃការស្រាវជ្រាវ និងការពិភាក្សាប្រកបដោយបរិយាបន្ន។ តាមរយៈការកំណត់ស្តង់ដារច្បាស់លាស់ គោលការណ៍ណែនាំជួយកែលម្អការប្រមូលទិន្នន័យ និងធានាថាការស្រាវជ្រាវមានភាពជឿជាក់ និងពាក់ព័ន្ធទៅនឹងការសម្រេចចិត្តផ្នែកគោលនយោបាយ។
ពានរង្វាន់បរិយាបន្នបានទទួលស្គាល់កិច្ចខិតខំប្រឹងប្រែងក្នុងការបញ្ចូលបរិយាបន្នទៅក្នុងការស្រាវជ្រាវ ការផ្សព្វផ្សាយ និងការពិភាក្សា។ ការអបអរសាទរចំពោះការអនុវត្តប្រកបដោយបរិយាបន្នទាំងនេះមិនត្រឹមតែជំរុញឱ្យមានការអនុវត្តកាន់តែទូលំទូលាយនៃការរួមបញ្ចូលប៉ុណ្ណោះទេ ប៉ុន្តែថែមទាំងបង្កើនសន្ទុះសម្រាប់ការបង្កើតគោលនយោបាយប្រកបដោយសមធម៌ និងទិន្នន័យបន្ថែមទៀតនៅក្នុងប្រទេសកម្ពុជាផងដែរ។

លទ្ធផលទាំងនេះបានពង្រឹងពីការស្រាវជ្រាវនៅកម្ពុជាទៅជាគោលនយោបាយជាប្រព័ន្ធ និងជាជំហានឆ្ពោះទៅរកការបង្កើតគោលនយោបាយប្រកបដោយបរិយាបន្នដែលផ្អែកលើទិន្នន័យ និងភាពធន់។

សូមស្វែងរករូបថតពីវេទិកានៅទីនេះ៖ National Policy Forum 2025

ដើម្បីទទួលបានព័ត៌មានចុងក្រោយបង្អស់ សូមចូលទៅកាន់ឆាណែលតេឡេក្រាមរបស់កម្មវិធី៖ https://t.me/PonlokChomnes

ការផ្សាយព័ត៌មាន៖

ចែករំលែក

វេទិកាគោលនយោបាយ

ព្រឹត្តិការណ៍ចុងក្រោយ

ការផ្សាយព័ត៌មាន៖

បច្ចុប្បន្នភាពព័ត៌មាន