ក្រសួងការងារ និងបណ្តុះបណ្តាលវិជ្ជាជីវៈ

ក្រសួងការងារ និងបណ្តុះបណ្តាលវិជ្ជាជីវៈ និងក្រសួងពាណិជ្ជកម្ម បានចេញសេចក្តីណែនាំស្តីពី ការអនុវត្តគម្រោងរោងចក្រកាន់តែប្រសើរនៅកម្ពុជាលើវិស័យនាំចេញវាយនភណ្ឌ និងកាត់ដេរសម្លៀកបំពាក់ និងផលិតផលធ្វើដំណើរ និងកាបូប។   ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ និងក្រសួងពាណិជ្ជកម្ម ថ្ងៃទី២២ ខែកុម្ភៈ ឆ្នាំ២០២១

ក្រសួងការងារ និងបណ្តុះបណ្តាលវិជ្ជាជីវៈ បានចេញប្រកាសស្តីពី ការផ្តល់វិញ្ញាបនបត្របញ្ជាក់អនុលោមភាពលក្ខខណ្ឌការងារ។   ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ ថ្ងៃទី៣១ ខែធ្នូ ឆ្នាំ២០២០

ក្រសួងការងារ និងបណ្តុះបណ្តាលវិជ្ជាជីវៈ បានចេញសៀវភៅណែនាំ​ស្តីពី ការប្រើប្រាស់សេវាសាធារណៈពាក់ព័ន្ធវិស័យការងារ និងបណ្តុះបណ្តាលវិជ្ជាជីវៈ តាមប្រព័ន្ធស្វ័យប្រវត្តិកម្ម។   ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ ឆ្នាំ២០២១

ក្រសួងការងារ និងបណ្តុះបណ្តាលវិជ្ជាជីវៈ បានចេញប្រកាសស្តីពីកិច្ចព្រមព្រៀងរវាងនាយកដ្ឋានពេទ្យការងារ​ និងមូលដ្ឋានសុខាភិបាលក្នុងការផ្តល់សេវាពិនិត្យសុខភាពដល់កម្មករនិយោជិតខ្មែរ។ ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ ថ្ងៃទី៣១ ខែធ្នូ ឆ្នាំ២០២០

ក្រសួងការងារ និងបណ្តុះបណ្តាលវិជ្ជាជីវៈ បានចេញប្រកាសស្តីពីការពិនិត្យកាយសម្បទាកម្មករនិយោជិតខ្មែរ។ ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ ថ្ងៃទី៣១ ខែធ្នូ ឆ្នាំ២០២០

ក្រសួងការងារ និងបណ្តុះបណ្តាលវិជ្ជាជីវៈ បានចេញប្រកាសស្តីពី ការដាក់ឱ្យប្រើប្រាស់សេវាសាធារណៈពាក់ព័ន្ធវិស័យការងារ និងបណ្តុះបណ្តាលវិជ្ជាជីវៈតាមប្រព័ន្ធស្វ័យប្រវត្តិកម្ម។ ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ​ ថ្ងៃទី៣១ ធ្នូ ឆ្នាំ២០២០

ក្រសួងការងារ និងបណ្តុះបណ្តាលវិជ្ជាជីវៈបានចេញសេចក្តីជូនដំណឹងដល់ម្ចាស់អាជីវកម្មដែលប្រើប្រាស់កម្មករនិយោជិតជាជនបរទេស ក៏ដូចជាជនបរទេសដែលកំពុងប្រកបរបរនៅកម្ពុជា អោយដាក់ពាក្យសុំធ្វើ ឬពន្យារបណ្ណការងាររបស់ខ្លួនតាមរយៈគេហទំព័រ www.fwcms.mlvt.gov.kh​។ ក្រសួងការងារ និងបណ្តុះបណ្តាលវិជ្ជាជីវៈ ថ្ងៃទី៧ ខែសីហា ឆ្នាំ២០២០

ក្រសួងការងារ និងបណ្តុះបណ្តាលវិជ្ជាជីវៈបានចេញសេចក្តីបំភ្លឺអំពីរយៈពេលជូនដំណឹងនិងសាហ៊ុយជំងឺចិត្តនៅពេលបញ្ចប់កិច្ចសន្យាការងារដែលមានថិរវេលាមិនកំណត់។ ក្រសួងការងារ និងបណ្តុះបណ្តាលវិជ្ជាជីវៈ ថ្ងៃទី១៤ ខែសីហា ឆ្នាំ២០២០

ក្រសួងការងារ និងបណ្តុះបណ្តាលវិជ្ជាជីវៈ បានចេញសេចក្តីប្រកាសស្តីពីការប្រើប្រាស់កម្មករនិយោជិតបរទេសជាលក្ខណៈពិសេស។ ប្រកាសនេះអនុញ្ញាតឱ្យម្ចាស់ ឬនាយកសហគ្រាសដែលស្ថិតក្រោមវិសាលភាពនៃមាត្រា១នៃច្បាប់ស្តីពីការងារអោយស្នើសុំពលករបរទេសក្នុងករណីពិសេស។ ប្រកាសនេះក៏បានបញ្ជាក់ផងដែរថាម្ចាស់សហគ្រាស អាចជ្រើសរើសកម្មករនិយោជិតបរទេស ចំនួនច្រើនជាង ១០% នៃចំនួនសរុបកម្មករនិយោជិតកម្ពុជា ប្រសិនបើសហគ្រាសមិនអាចរកបានកម្មករនិយោជិតកម្ពុជាគ្រប់គ្រាន់។ ក្រសួងការងារនិងបណ្តុះបណ្តាលវិជ្ជាជីវៈ ថ្ងៃទី១៤ ខែសីហា ឆ្នាំ២០២០

ក្រសួងការងារ និងបណ្តុះបណ្តាលវិជ្ជាជីវៈបានដាក់ចេញនូវក្រមសីលធម៌សម្រាប់ភ្នាក់ងារឯកជនជ្រើសរើសពលករ ឱ្យអនុវត្តតាម ក្នុងគោលបំណងបង្កើន និងគាំពារសិទ្ធរបស់ពលករចំណាកស្រុក។ ក្រមសីលធម៌នេះមាន ១២មាត្រា ដែលត្រូវបានរៀបរៀងឡើងដោយសមាគមភ្នាក់ងារជ្រើសរើសពលករកម្ពុជា និងសមាគមពលកម្មកម្ពុជា ដោយបានចែងថា រាល់ភ្នាក់ងារឯកជនដែលជ្រើសរើសពលករទាំងអស់ត្រូវគោរពតាមគោលការណ៍ច្បាប់ជាតិ និងអន្តរជាតិជាមូលដ្ឋាន ត្រូវមានទំនួលខុសត្រូវ និងគោរពតាមក្រមសីលធម៌នេះនៅពេលជ្រើសរើស បណ្តុះបណ្តាល គ្រប់គ្រង និងបញ្ជូនពលករចេញទៅបរទេស ដើម្បីធានាអំពីសុវត្ថិភាព និងសិទ្ធិរបស់ពលករទាំងនោះ។ បើយោងតាមក្រសួងការងារ និងបណ្តុះបណ្តាលវិជ្ជាជីវៈ ភ្នាក់ងារឯកជនជាង១២០ ក្រុមហ៊ុនបានចុះបញ្ជីជាមួយក្រសួងក្នុងការបញ្ជូនពលករទៅក្រៅប្រទេស ហើយក្នុងនោះមានពលករចំនួនប្រហែល ១លាន ២សែននាក់ ត្រូវបានបញ្ជូនទៅធ្វើការនៅប្រទេសថៃ កូរ៉េខាងត្បូង ម៉ាឡេស៊ី ជប៉ុន សិង្ហបុរី និងហុងកុង។ រៀងរាលឆ្នាំ ពលករទាំងអស់នោះបានផ្ញើប្រាក់ត្រឡប់មកស្រុកវិញប្រមាណ ២ពាន់លាន ដុល្លាអាមេរិក។ ប្រភព៖ កាសែតភ្នំពេញប៉ុស្តិ៍ ចុះថ្ងៃទី២៩ ខែមករា ឆ្នាំ២០២០