ក្រសួងកិច្ចការនារី បានចេញបញ្ជីលេខទូរសព្ទអ្នកផ្តល់សេវាទាក់ទងនឹងអំពើហិង្សាក្នុងគ្រួសារ។ ប្រភព៖ ក្រសួងកិច្ចការនារី
ក្រសួងកិច្ចការនារី
ដាក់បញ្ចូលបញ្ហារបស់អ្នកស្រលាញ់ភេទដូចគ្នា (LGBT) ក្នុងគោលនយោបាយជាតិ
នេះជាលើកទីមួយហើយ ដែលបញ្ហាអ្នកស្រលាញ់ភេទដូចគ្នា (LGBT) ត្រូវបានដាក់បញ្ចូលក្នុងនារីរតនៈទី ៤ និងផែនការសកម្មភាពជាតិស្តីពីការទប់ស្កាត់អំពើហិង្សាលើស្ត្រី NAPVAW ២។
ការផ្តល់អំណាចដល់អ្នកជំនាញវ័យក្មេង
បណ្តាញអ្នកជំនាញវ័យក្មេង ត្រូវបានបង្កើតឡើងក្នុក្របខ័ណ្ឌក្រសួងកិច្ចការនារី ដើម្បីផ្តល់ភាពអំណាចដល់អ្នកជំនាញវ័យក្មេង និងលើកទឹកចិត្តឲ្យពួកគេធ្វើការងារកាន់តែសកម្ម។ ឥឡូវនេះ ពួកគេមានតួនាទីសំខាន់ក្នុងការប្រាស្រ័យទាក់ទង ជាពិសេស ក្នុងប្រព័ន្ធផ្សព្វផ្សាយសង្គម។ អ្នកនាំពាក្យថ្មីរបស់ក្រសួងកិច្ចការនារី ក៏ចេញពីបណ្តាញនេះផងដែរ។
ការបញ្រ្ជាបយេនឌ័រ
ការធ្វើការងារជាមួយនឹងក្រសួងពាក់ព័ន្ធផ្សេងទៀតជុំវិញការបញ្រ្ជាបយេនឌ័រ។ លទ្ធផលដែលសម្រេចបានតាមរយៈការបញ្រ្ជាបយេនឌ័រថ្នាក់ជាតិ រួមមាន៖ ការបញ្ចូលបញ្ហាយេនឌ័រ ទៅក្នុងការអង្កេតថ្នាក់ជាតិរបស់ក្រសួងផែនការ (ការអង្កេតប្រជាសាស្ត្រ និងសុខភាពកម្ពុជា ជំរឿនកសិកម្ម ការអង្កេតសេដ្ឋកិច្ច ការអង្កេតសង្គម-សេដ្ឋកិច្ច), បានរៀបចំសិក្ខាសាលាស្តីពីយេនឌ័រ និងទេសន្តរប្រវេសន៍ការងារ ដោយសហការជាមួយក្រសួងមហាផ្ទៃ និងក្រសួងការងារ និងបណ្តុះបណ្តាលវិជ្ជាជីវៈការកំណត់កូតាពី ២០ ទៅ ៥០ ភាគរយ សម្រាប់ស្ត្រីក្នុងការប្រលងជ្រើសរើសមន្ត្រីរាជការថ្មី ដែលរៀបចំដោយក្រសួងមុខងារសាធារណៈការផ្តល់អាហារូបករណ៍ និងសាងសង់អន្តេវាសិកដ្ឋានសម្រាប់សិស្សស្រី ដោយក្រសួងអប់រំ យុវជន និងកីឡា ។ល។ ដោយសហការជាមួយនឹងក្រសួងពាក់ព័ន្ធផ្សេងទៀត ។ល។ ដោយសហការជាមួយក្រសួងពាក់ព័ន្ធផ្សេងទៀត ក្រសួងកិច្ចការនារីក៏បានចាត់វិធានការដើម្បីបញ្ជ្រាបយេនឌ័រទៅក្នុងគោនយោបាយ ច្បាប់ លិខិតបទដ្ឋានគតិយុត្តិ និងកម្មវិធីនានាផងដែរ។
ការផ្សព្វផ្សាយ អនុសញ្ញា CEDAW និងច្បាប់កម្ពុជាដែលពាក់ព័ន្ធ
ការផ្សព្វផ្សាយធ្វើឡើងយ៉ាងទូលំទូលាយ នៅថ្នាក់ជាតិ និងថ្នាក់ក្រោមជាតិ តាមរយៈសិក្ខាសាលា វគ្គបណ្តុះបណ្តាល កិច្ចប្រជុំ វេទិកានានា គម្រោង និងកម្មវិធី ដោយមានមនុស្សចូលរួមសរុប ១,៣ លាននាក់។ ការងារផ្សព្វផ្សាយនេះត្រូវបានធ្វើឡើង តាមវិទ្យុ ទូរទស្សន៍ គេហទំព័រ ព្រឹត្តបត្រសារព័ត៌មាន សៀវភៅកំណត់ហេតុខិតប័ណ្ណ និងទស្សនាវដ្តី។
គោលការណ៍ណែនាំស្តីពីការការពារផ្នែកច្បាប់ចំពោះសិទ្ធិរបស់ស្ត្រី និងកុមារ
គោលការណ៍ណែនាំនេះត្រូវប្រើប្រាស់ដោយភ្នាក់ងារនគរបាលយុត្តិធម៌ របស់ក្រសួងកិច្ចការនារី ក៏ដូចជា អ្នកផ្តល់សេវារដ្ឋ និងឯកជនដែលជួយដល់ស្ត្រីដែលរងគ្រោះ ដោយសារអំពើហិង្សា។ The Cambodia Daily, 13 June 2014
ផែនការយុទ្ធសាស្ត្រស្តីពីសមភាពយេនឌ័រ និងការផ្តល់អំណាចដល់ស្ត្រី ២០១៤-២០១៨ (នារីរតនៈ IV)
ផែនការនេះគឺជាក្របខ័ណ្ឌគ្រប់ជ្រុងជ្រោយមួយ សម្រាប់ពង្រឹងសមត្ថភាពស្ថាប័ន ក៏ដូចជាកំណត់ពីវិធានការជាក់លាក់ ដើម្បីលើកកម្ពស់សមភាពយេនឌ័រ ក្នុងកម្មវិធីចំនួន ៦៖ ការផ្តល់អំណាចផ្នែកសេដ្ឋកិច្ច អប់រំ សុខភាព កិច្ចការពារផ្លូវច្បាប់ ការធ្វើសេចក្តីសម្រេចចិត្ត និងនយោបាយ និងការប្រែប្រួលអាកាសធាតុ។
ផែនការសកម្មភាពជាតិស្តីពីការទប់ស្កាត់អំពើហិង្សាលើស្ត្រី ២០១៤-២០១៨ (NAPVAW២)
ផែនការសកម្មភាពជាតិនេះ មានគោលបំណងលុបបំបាត់រាល់ទម្រង់នៃការរើសអើង និងអំពើហិង្សាលើស្ត្រី និងកុមារ។ ផែនការសកម្មភាពជាតិនេះដាក់ចេញយុទ្ធសាស្ត្រ ដើម្បីកាត់បន្ថយអំពើហិង្សាលើស្ត្រី ដែលកំពុងរារាំងស្ត្រីមិនឲ្យចូលរួមក្នុងការអភិវឌ្ឍសង្គម។ ផែនការនេះគឺជាក្របខ័ណ្ឌច្បាប់ ដើម្បីការពារជនរងគ្រោះ និងលើកកម្ពស់សមភាពយេនឌ័រ ក្នុងសង្គម។ ផែនការនេះដាក់បញ្ចូលការទប់ស្កាត់បឋម កិច្ចការពារផ្លូវច្បាប់ សេវាពហុវិស័យ ការកសាងសមត្ថភាព និងការវាយតម្លៃលើផលប៉ះពាល់។ ផែនការនេះក៏មានដាក់បញ្ចូលប្រព័ន្ធពិនិត្យតាមដាន និងវាយតម្លៃ ដើម្បីពិនិត្យតាមដានវឌ្ឍនភាពនៃផែនការជាតិនេះផងដែរ។