PUBLISHED: 27 សីហា 2019

គោលនយោបាយ ការពារ និងការអភិវឌ្ឍន៍កុមារ

នៅថ្ងៃទី១ ខែសីហា ឆ្នាំ២០១៤ គោលនយោបាយការពារ និងការអភិវឌ្ឍន៍កុមារ​ ត្រូវបានប្រកាសជាផ្លូវការដោយសម្តេចនាយករដ្ឋមន្រ្តី ហ៊ុន សែន ដើម្បីអនុវត្តគោលនយោបាយនេះអោយមានប្រសិទ្ឋិភាព រដ្ឋាភិបាលបានរៀបចំអនុក្រឹត្យស្តីពីការតែងតាំងសមាជិកគណៈកម្មាធិការការពារ និងអភិវឌ្ឍន៍កុមារ នៅថ្ងៃទី ២៦ ខែមីនា ឆ្នាំ២០១៤។ ដោយផ្អែកទៅលើអនុក្រឹត្យនេះ ក្រសួងព័ត៌មាន បានស្នើអោយគណៈកម្មាធិការការពារ និងអភិវឌ្ឍន៍កុមារ សម្រេចបង្កើតគណៈកម្មាធិការសម្របសម្រួលបច្ចេកទេសការពារ និងអភិវឌ្ឍកុមារ ដើម្បីអនុវត្តគោលនយោបាយការពារ និងអភិវឌ្ឍន៍កុមារ របស់រដ្ឋាភិបាលលើវិស័យព័ត៌មាន។ ការអនុវត្តគោលនយោបាយការពារ និងអភិវឌ្ឍន៍កុមារ ដោយក្រសួងព័ត៌មាន បាននាំទៅដល់ការផលិតកម្មវិធីផ្សាយ «ស្រលាញ់កូនរបស់អ្នក»។