បាឋកថាគោលនយោបាយ

កម្មវិធីពន្លកចំណេះ មានសេចក្តីរីករាយក្នុងការជួបជុំអាហារថ្ងៃត្រង់ជាមួយសមាជិកសភាអូស្ត្រាលី ព្រឹទ្ធសមាជិក Maria Kovacic លោកស្រី Fiona Phillips MP និងលោក Steve Georganas MP រួមជាមួយលោកស្រី Bridget Collier អនុប្រធានបេសកកម្មនៃស្ថានទូតអូស្ត្រាលី។

ពួកយើងមានការពិភាក្សាយ៉ាងសំបូរបែបលើវិស័យស្រាវជ្រាវរបស់ប្រទេសកម្ពុជា បទពិសោធន៍របស់យុវជនយើងដែលចូលរួមក្នុងការស្រាវជ្រាវ ភាពជាអ្នកដឹកនាំរបស់ស្ត្រីក្នុងការស្រាវជ្រាវ និងតួនាទីនៃការស្រាវជ្រាវក្នុងការបង្កើតគោលនយោបាយ និងការទទួលយក។ ‍ អ្នកស្រាវជ្រាវរបស់យើងមកពីអង្គការវេទិកាអនាគត និងមជ្ឈមណ្ឌលខេមរសិក្សា បានចែករំលែកដំណើររបស់ពួកគេ ដែលបង្ហាញពីការគាំទ្ររបស់ប្រទេសអូស្ត្រាលីតាមរយៈកម្មវិធីពន្លកចំណេះ ដែលកំពុងបណ្ដុះអ្នកវិភាគគោលនយោបាយខ្មែរជំនាន់ក្រោយ។