សេចក្តីប្រកាស

បង្កើនការស្វែងយល់ និងកិច្ចសហការ៖ ជំនួបប្រជុំប្រចាំឆមាសលើកទី២ ជាមួយសមាជិកគណៈកម្មាធិការប្រឹក្សាផ្នែកបច្ចេកទេស

យើងខ្ញុំមានសេចក្តីរីករាយនឹងចែករំលែកនូវទិដ្ឋភាពពីជំនួបប្រជុំប្រចាំឆមាសលើកទី២ ជាមួយសមាជិកគណៈកម្មាធិការប្រឹក្សាផ្នែកបច្ចេកទេសរបស់កម្មវិធីពន្លកចំណេះ ដែលបានរៀបចំឡើងថ្មីៗនេះកាលពីថ្ងៃទី១៧ ខែកក្កដា ឆ្នាំ២០២៤ ដោយមានអ្នកចូលរួមសរុបចំនួន ៣០នាក់ រួមមាន សមាជិកគណៈកម្មាធិការប្រឹក្សាផ្នែកបច្ចេកទេស ដៃគូយុទ្ធសាស្ត្រ ក្រុមជំនាញផ្នែកសមភាពយេនឌ័រ ពិការភាព និងបរិយាបន្នសង្គម និងប្រតិភូនៃស្ថានទូតអូស្ត្រាលីប្រចាំនៅប្រទេសកម្ពុជា និងអង្គការមូលនិធិអាស៊ី។

ជំនួបប្រជុំនេះ មានគោលបំណងធ្វើបច្ចុប្បន្នភាពនៃសកម្មភាពរបស់កម្មវិធីពន្លកចំណេះ និងបង្កើនការស្វែងយល់រវាងដៃគូយុទ្ធសាស្ត្រ និងសមាជិកគណៈកម្មាធិការប្រឹក្សាផ្នែកបច្ចេកទេស ព្រមទាំងបង្កើននូវឱកាសសហការប្រកបដោយសក្តានុពល។

អ្នកចូលរួមបានផ្លាស់ប្តូរកិច្ច ពិភាក្សា និងចែករំលែកអនុសាសន៍ដ៏មានខ្លឹមសារពីសមាជិកគណៈកម្មាធិការប្រឹក្សាផ្នែកបច្ចេកទេស។ យើងខ្ញុំសង្ឃឹមថាជំនួបប្រជុំនេះនឹងផ្តល់ឱ្យដៃគូយុទ្ធសាស្រ្ត និងសមាជិកគណៈកម្មាធិការប្រឹក្សាផ្នែកបច្ចេកទេស ទទួលបាននូវការកំណត់ប្រយោជន៍រួមមួយ បង្កើតកិច្ចសហការ និងគូសគម្រោងសក្តានុពលនានា។

យើងខ្ញុំនឹងរង់ចាំនូវសមិទ្ធិផល  និងការអភិវឌ្ឍរបស់ដៃគូយុទ្ធសាស្ត្រក្នុងវិស័យស្រាវជ្រាវបន្ថែមទៀត។

ដើម្បីស្វែងយល់បន្ថែមអំពីសមាជិកគណៈកម្មាធិការប្រឹក្សាផ្នែកបច្ចេកទេស សូមចូលទៅកាន់គេហទំព័ររបស់យើងខាងក្រោម៖ Technical Steering Committee | Policy Pulse