សេចក្តីប្រកាស

វិធីសាស្រ្តស្រាវជ្រាវបែបសហការ៖ ការបញ្ចូលសម្លេងចម្រុះទៅក្នុងដំណើរការស្រាវជ្រាវ 

MyVillage Cambodia – MVi អង្គការភូមិខ្ញុំ ដែលជាដៃគូនវានុវត្តន៍របស់កម្មវិធីពន្លកចំណេះ បានជួបជាមួយក្រុមប្រឹក្សាឃុំសាមឃួយ និងក្រុមប្រឹក្សាឃុំកោះស្នែង នៅថ្ងៃទី២៤ ខែកក្កដា ឆ្នាំ២០២៤ ដើម្បីពិនិត្យឧបករណ៍ស្រាវជ្រាវសម្រាប់ការប្រមូលទិន្នន័យនាពេលខាងមុខ របស់គម្រោងស្រាវជ្រាវស្តីពី «ការវិភាគ​ការបែង​ចែក​ថវិកា​ឃុំសម្រាប់ការប្រែប្រួលអាកាសធាតុ និងផលប៉ះពាល់​ទៅលើ​សហគមន៍​ងាយរងគ្រោះ៖ ករណីសិក្សារបស់រដ្ឋបាលឃុំក្នុងខេត្តស្ទឹងត្រែង»។ 

កិច្ចសហការនេះបង្ហាញពីការប្តេជ្ញាចិត្តរួមគ្នារបស់យើងក្នុងការជំរុញការស្រាវជ្រាវប្រកបដោយបរិយាបន្ន។ ការប្រើប្រាស់វិធីសាស្រ្តស្រាវជ្រាវបែបសហការ នឹងធានាថាសម្លេងចម្រុះត្រូវបានដាក់បញ្ចូលក្នុងដំណើរការស្រាវជ្រាវ។ 

ថវិកាគាំទ្រសកម្មភាពបែបនវានុវត្តន៍របស់កម្មវិធីពន្លកចំណេះ គាំទ្រគំនិតផ្តួចផ្តើមក្នុងស្រុកដោយដោះស្រាយបញ្ហាជាក់លាក់នៅមូលដ្ឋាន តាមរយៈកិច្ចសហការរវាងអង្គការសង្គមស៊ីវិល និងអាជ្ញាធរមូលដ្ឋាន។ 

ថវិកាគាំទ្រសកម្មភាពបែបនវានុវត្តន៍របស់កម្មវិធីពន្លកចំណេះ ទទួលបានការគាំទ្រពីក្រសួងការបរទេសនិងពាណិជ្ជកម្មអូស្ត្រាលី តាមរយៈកម្មវិធីពន្លកចំណេះ៖ ទិន្នន័យ និងការពិភាក្សាដើម្បីការអភិវឌ្ឍនៅកម្ពុជា របស់អង្គការមូលនិធិអាស៊ី។