ក្រសួងកសិកម្ម រុក្ខាប្រមាញ់ និងនេសាទ បានបង្ហាញអំពីកម្មវិធីទូរសព្ទដៃឈ្មោះ CamAgriMarket ដែលនឹងអនុញ្ញាតឱ្យកសិករបង្ហាញផលិតផលរបស់ខ្លួនទៅកាន់អតិថិជនគោលដៅ និងផ្តល់ឳកាសដល់កសិករទាំងនោះអាចទទួលបានព័ត៌មានអំពីទីផ្សារ។ កម្មវិធីទូរសព្ទដៃនេះនឹងដាក់ឱ្យដំណើរការនៅខែមីនាឆ្នាំ២០២១។ ប្រភព៖ កាសែតភ្នំពេញប៉ុស្តិ៍ ចុះថ្ងៃទី២៣ ខែមករា ឆ្នាំ២០២០
ក្រសួងកសិកម្ម រុក្ខាប្រមាញ់ និងនេសាទ
ផែនការយុទ្ធសាស្រ្តអភិវឌ្ឍន៍វិស័យកសិកម្ម ២០១៩-២០២៣
ក្រសួងកសិកម្ម រុក្ខាប្រមាញ់ និងនេសាទ បានចេញផែនការយុទ្ធសាស្រ្តអភិវឌ្ឍន៍វិស័យកសិកម្ម ២០១៩-២០២៣ ដើម្បីធ្វើទំនើបកម្មវិស័យកសិកម្ម ដោយជំរុញឱ្យមានការប្រកួតប្រជែងកាន់តែខ្លាំងជាងមុន និងជំរុញឱ្យមានភាពសុំានឹងការប្រែប្រួលអាកាសធាតុ ព្រមទាំងផ្លាស់ប្តូរការអនុវត្តតាមបែបប្រពៃណី។ ផែនការយុទ្ធសាស្រ្តអភិវឌ្ឍន៍វិស័យកសិកម្ម ២០១៩-២០២៣
អនុក្រឹតលេខ៦៩ ស្តីអំពីតំបន់ការពារ
សម្បទានដីសេដ្ឋកិច្ចចំនួន៧៣ ដែលធ្លាប់ស្ថិតក្រោមការគ្រប់គ្រងរបស់ក្រសួងបរិស្ថានត្រូវបានគេប្រគល់ទៅឱ្យក្រសួងកសិកម្ម ផ្ទុយទៅវិញ តំបន់អភិរក្សទាំងអស់ឥឡូវនេះគឺស្ថិតនៅក្រោមការគ្រប់គ្រងរបស់ក្រសួងបរិស្ថានវិញ។ ផ្នែកមួយនៃការផ្ទេរនេះមានរួមបញ្ចូលទាំងតំបន់ព្រៃការពារទាំង១៣។
ក្របខ័ណ្ឌច្បាប់ស្តីពីដីសម្បទានសេដ្ឋកិច្ច (ELCs)
ក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន បានចេញប្រកាសរួមមួយស្តីពី “ការពង្រឹងការគ្រប់គ្រងដីសម្បទានសេដ្ឋកិច្ច” និងបានយល់ព្រមកំណត់ថ្លៃជួល ដោយផ្អែកទៅតាមទំហំដីដែលបានកាប់ឆ្កាដោយមានការអនុញ្ញាតពីក្រសួងទាំងពីរ។ ក្នុងឆ្នាំ ២០១៤ ក្រុមហ៊ុនចំនួន ១២១ បានចុះហត្ថលេខាលើកិច្ចព្រមព្រៀងជាមួយនឹងក្រសួងកសិកម្ម រុក្ខាប្រមាញ់ និងនេសាទ ដែលគ្របដណ្តប់លើផ្ទៃដី ២១២៦៧៤៨ ហិចតា។ ប៉ុន្តែ រដ្ឋាភិបាលបានដកហូតអាជ្ញាប័ណ្ណពីក្រុមហ៊ុនចំនួន ៦៩ ដែលមិនបានគោរពតាមកិច្ចព្រមព្រៀង និងបានដកហូតដី ៥៨៧៥៨០ ហិចតា មកវិញ។ ចូលមើលឯកសារដើមនៅទីនេះ
រុក្ខាប្រមាញ់
ក. ការអភិរក្សព្រៃឈើ៖ ក្រសួងកសិកម្ម រុក្ខាប្រមាញ់ និងនេសាទ បានបញ្ចប់ការកំណត់ព្រំប្រទល់ព្រៃអភិរក្សបាន ១៦០ គីឡូម៉ែត្រ។ ខ. សហគមន៍ព្រៃឈើ៖ ក្នុងឆ្នាំ ២០១៤ ក្រសួងកសិកម្ម រុក្ខាប្រមាញ់ និងនេសាបានប្រកាសផែនការបង្កើត និងគ្រប់គ្រងសហគមន៍ព្រៃឈើចំនួន ១៩ គ្របដណ្តប់លើផ្ទៃដី ២១០២៤ ហិចតា ស្ថិតក្នុងខេត្តស្ទឹងត្រែង ក្រចេះ កំពង់ធំ និងរតនៈគិរី។ គ. ការអភិរក្សព្រៃឈើ និងសត្វព្រៃ៖ ក្រសួងកសិកម្ម រុក្ខាប្រមាញ់ និងនេសាទ បានអភិរក្សព្រៃ ១៦២៨០ ហិចតា ដើម្បីការពារធនធានធម្មជាតិ និងជីវចម្រុះ និងអភិរក្សធនធានហ្សេនេទិចរុក្ខជាតិលើផ្ទៃដី ៦៦៩៣២ ហិចតា។ សត្វព្រៃ ៩៧ អំបូរ ត្រូវបានអភិរក្ស (១២២៤ ក្បាល)។ ឃ. ការកាប់ឈើខុសច្បាប់៖ ការនាំចូលរណាយន្តមកក្នុងប្រទេសកម្ពុជា ត្រូវបានហាមឃាត់ ក្រោយពីមានការអំពាវនាវជាផ្លូវការឲ្យមានការបង្រ្កាបពាណិជ្ជកម្មឈើខុសច្បាប់ទូទាំងប្រទេស។ ក្រសួងកសិកម្ម រុក្ខាប្រមាញ់ និងនេសាទ បានជម្រុញឲ្យរដ្ឋបាលព្រៃឈើទប់ស្កាត់នូវវត្តមានរណាយន្តនៅតាមជនបទ។ ការបង្ក្រាបអ្នកកាប់ឈើខុសច្បាប់ទូទាំងប្រទេស នឹងត្រូវប្រកាសនាពេលអនាគតដ៏ខ្លីខាងមុខនេះ។ ចូលមើលឯកសារដើមនៅទីនេះ
នេសាទ
ក. សហគមន៍នេសាទ៖ មាន ៥១៦ សហគមន៍ ដែលមានសមាជិក ៣៣២១៦៨ នាក់ (ស្រី ៣៥ ភាគរយ)។ ក្នុងចំណោមសហគមន៍ទាំងនេះ មានសហគមន៍ចំនួន ៣៧០ បានចុះបញ្ជីផ្លូវការ និងទទួលស្គាល់ដោយក្រសួងកសិកម្ម រុក្ខាប្រមាញ់ និងនេសាទ។ ១៤ សហគមន៍ បានដាក់ពាក្យជាផ្លូវការ ហើយ ២៣ សហគមន៍ កំពុងស្ថិតក្នុងដំណើរការដាក់ពាក្យ។ ខ. ការអភិរក្សធនធានជលផល៖ ដើម្បីប្រយុទ្ធប្រឆាំងនឹងការនេសាទខុសច្បាប់ ក្រសួងកសិកម្ម រុក្ខាប្រមាញ់ និងនេសាទ បានបង្កើតស្ថានីយ៍អភិរក្ស ៥០ បន្ថែមទៀត។ ជាសរុប មានស្ថានីយ៍អភិរក្សចំនួន ៤៩១ ក្នុងប្រទេសកម្ពុជា (៣៦៤ ស្ថានីយ៍ គឺជាសហគមន៍អភិរក្សធនធានជលផល)។ គ. វារីវប្បកម្ម៖ ប្រជាពលរដ្ឋ ៦៥០០០ គ្រួសារ បានទទួលការបណ្តុះបណ្តាលបច្ចេកទេសអំពីការចិញ្ចឹមត្រី ពីក្រសួងកសិកម្ម រុក្ខាប្រមាញ់ និងនេសាទ និងមានកសិករ ១៥៤ នាក់ បានស្ម័គ្រចិត្តផ្សព្វផ្សាយព័ត៌មានអំពីបច្ចេកទេសចិញ្ចឹមត្រី ដល់ប្រជាពលរដ្ឋនៅតាមមូលដ្ឋាន។ ឃ. ការបង្ក្រាបការនេសាទខុសច្បាប់៖ ក្រសួងកសិកម្ម រុក្ខាប្រមាញ់ […]
កសិកម្ម
ក. សហគមន៍កសិកម្ម ៖ បច្ចុប្បន្ននេះ មានសហគមន៍ចំនួន ៥៥៦ (សហគមន៍ ៧០ ត្រូវបានចុះបញ្ជី ក្នុងឆ្នាំ ២០១៤)ដែលមានសមាជិក ៦៤៦៦២ នាក់ (ស្រី ៦២ ភាគរយ)។ ខ. គោលនយោបាយផ្សព្វផ្សាយកសិកម្ម៖ ក្រសួងកសិកម្ម រុក្ខាប្រមាញ់ និងនេសាទ កំពុងអនុវត្តគោលនយោបាយផ្សព្វផ្សាយកសិកម្មថ្មីមួយ ដែលនឹងលើកកម្ពស់វិស័យនេះ តាមរយៈការធ្វើឲ្យចំណេះដឹង និងបច្ចេកវិទ្យាថ្មីៗ ងាយរកបានដោយកសិករ និងសហគមន៍ ក្នុងគោលបំណងបង្កើនប្រសិទ្ធភាព និងផលិតភាព ក្នុងវិស័យនេះ។ គោលនយោបាយនេះមានគោលបំណងបង្កើនការយល់ដឹងអំពីបច្ចេកវិទ្យាថ្មីៗទាក់ទងនឹងបច្ចេកទេសដាំដុះ ដល់កសិករក្នុងទ្រង់ទ្រាយធំ តាមរយៈមន្ត្រីផ្សព្វផ្សាយកសិកម្ម ពីវិស័យសាធារណៈ វិស័យឯកជន និងដៃគូអភិវឌ្ឍន៍។ គ. ការនាំចេញអង្ករ៖ ការនាំចេញអង្ករមានការកើនឡើង ២ ភាគរយ ក្នុងឆ្នាំ ២០១៤ បើធៀបជាមួយនឹងឆ្នាំ ២០១៣។ ឃ. ពូជស្រូវថ្មីៗ៖ ពូជស្រូវថ្មី ២ ពូជ (ផ្ការំដួល សម្រាប់រដូវប្រាំង និងខា១៤) និងពូជពោតដំណើបមួយពូជ (សេអឹម១)ត្រូវបានបញ្ចេញដោយ CARDI ។ ង. កៅស៊ូ៖ ចំការកៅស៊ូបានកើនឡើងពី ៣៥៧៨០៩ ដល់ ៣២៨៨០០ ហិចតា […]