ក្រសួងរ៉ែ និងថាមពល បានចាប់ផ្ដើមសិក្សា និងរៀបចំបទប្បញ្ញត្តិទាក់ទងនឹងការគ្រប់គ្រងថ្លៃប្រេងនៅកម្ពុជា ដែលជាមធ្យោបាយមួយក្នុងការកំណត់ការប្រែប្រួលថ្លៃប្រេងសាំងដោយផ្អែកលើទីផ្សារអន្តរជាតិ។ Phnom Penh Post, 28 January 2015
ក្រសួងរ៉ែ និងថាមពល
សហគមន៍រុករករ៉ែ
សហគមន៍រុករករ៉ែដោយដៃផ្លូវការដំបូងរបស់កម្ពុជាត្រូវបានបង្កើតឡើងនៅខេត្តរតនៈគិរី ដែលជាផ្នែកមួយនៃកិច្ចប្រឹងប្រែងជាបន្តបន្ទាប់របស់រាជរដ្ឋាភិបាលក្នុងការធ្វើឱ្យសកម្មភាពរបស់ក្រុមហ៊ុនរុករករ៉ែខ្នាតតូចស្របច្បាប់។ Phnom Penh Post, 28 April 2015
ការបង្ក្រាបការរុករករ៉ែខុសច្បាប់
នគរបាលយោធាចំនួន ៦១២ រូបត្រូវបានស្នើឱ្យជួយនគរបាលជាតិ ក្រសួងរ៉ែ និងថាមពល និងអាជ្ញាធរ និងមន្ត្រីតុលាការ នៅពេលស្ថាប័នទាំងនេះធ្វើការចុះត្រួតពិនិត្យ និងបង្ក្រាបការរុករករ៉ែខុសច្បាប់នៅក្នុងខេត្តទាំងអស់។ Phnom Penh Post, 5 March 2015
ការធ្វើវិមជ្ឈការលើការផ្ដល់អាជ្ញាប័ណ្ណដល់ក្រុមហ៊ុនរុករករ៉ែ
ក្រសួងរ៉ែ និងថាមពលបានសម្រេចចិត្តធ្វើវិមជ្ឈការលើដំណើរការសម្រាប់ក្រុមហ៊ុនរុគរករ៉ែ និងក្រុមហ៊ុនបូមខ្សាច់ធុនតូច ដើម្បីទទួលបានអាជ្ញាប័ណ្ណ ដោយរដ្ឋាភិបាលបច្ចុប្បន្នអនុញ្ញាតឱ្យអាជ្ញាធរខេត្ត ធ្វើការចេញអាជ្ញាប័ណ្ណដោយផ្ទាល់ទៅប្រតិបត្តិករ ដោយមិនមានការមើលការខុសត្រូវពីក្រសួង។ ក្រោមបទប្បញ្ញត្តិថ្មីនេះ ប្រតិបត្តិការរុគរករ៉ែខ្នាតតូចត្រូវបានអោយនិយមន័យថា ៖ ជាការរុករករ៉ែលើផ្ទៃដីដែលមានទំហំមិនលើសពី ១ ហិចតា ហើយជីកមិនជ្រៅជាង ៥ ម៉ែត្រ ហើយក្រុមហ៊ុនរុគរករ៉ែក្រោមដី ដែលប្រតិបត្តិនៅជម្រៅមិនលើសពី ២០ ម៉ែត្រក្រោមផ្ទៃដី ។ អាជ្ញាធររ៉ែថ្នាក់ខេត្តនឹងមានសិទ្ធិក្នុងការពិនិត្យតាមដាន ត្រួតពិនិត្យឡើងវិញ និងវាយតម្លៃលើប្រតិបត្តិការរុគរករ៉ែដោយដៃ នៅពេលក្រុមហ៊ុនទាំងនេះត្រូវបានចុះបញ្ជី។ ប្រធាននាយកដ្ឋានរ៉ែថ្នាក់ខេត្តនីមួយៗនឹងត្រូវតម្រូវឱ្យដាក់បញ្ជូនសំណើសុំអាជ្ញាប័ណ្ណមួយជូនអភិបាលខេត្ត។ ប្រសិនបើអភិបាលមិនផ្ដល់អាជ្ញាប័ណ្ណទេ ប្រធាននាយកដ្ឋាននឹងត្រូវរាយការណ៍ទៅក្រសួងសម្រាប់ការសម្រេចចុងក្រោយ។ ការផ្ដោតសំខាន់ គឺដើម្បីធានាឲ្យបានថា ក្រុមហ៊ុននានានៅតាមមូលដ្ឋានដាក់ពាក្យសុំអាជ្ញាប័ណ្ណ។ Phnom Penh Post, 8 April 2015
ឧស្សាហកម្មបូមខ្សាច់
ក. ការត្រួតពិនិត្យអាជ្ញាប័ណ្ណ (ការបូមខ្សាច់ ដែលមិនគោរពតាមច្បាប់)៖ មានក្រុមហ៊ុនបូមខ្សាច់ចំនួន ១៤២ ដែលកំពុងធ្វើប្រតិបត្តិការនៅកម្ពុជា ប៉ុន្តែមានតែក្រុមហ៊ុនចំនួន ៣៧ ក្រុមហ៊ុនប៉ុណ្ណោះ ដែលមានអាជ្ញាប័ណ្ណ។ ក្រសួងរ៉ែ និងថាមពលបានត្រួតពិនិត្យឡើងវិញ និងបញ្ចប់កិច្ចព្រមព្រៀងផ្ដល់អាជ្ញាប័ណ្ណ និងដាក់ពិន័យក្រុមហ៊ុន ដែលមិនបានគោរពតាមកិច្ចព្រមព្រៀងផ្ដល់អាជ្ញាប័ណ្ណ។ ខ. ការធ្វើការវាយតម្លៃផលប៉ះពាល់ដោយសារការបូមខ្សាច់៖ ក្រសួងរ៉ែ និងថាមពលបានផ្អាកទទួលពាក្យស្នើសុំអាជ្ញាប័ណ្ណថ្មីៗសុំធ្វើប្រតិបត្តិការបូមខ្សាច់នៅក្នុងទន្លេ និងបឹងរបស់ប្រទេសនេះ ដើម្បីសិក្សាអំពីផលប៉ះពាល់លើបរិស្ថាន និងសង្គមដោយសារសកម្មភាពទាំងនេះ ដែលបានបណ្ដាលឱ្យមានករណីបាក់ច្រាំងទន្លេ ដែលបង្កឲ្យមានការបាត់បង់ជីវិត។ កាលពីមុន ក្រសួងនេះក៏បានធ្វើការសិក្សាអំពីផលប៉ះពាល់លើបរិស្ថាន និងសង្គមនៅករណីក្រុមហ៊ុនមួយចំនួន ដែលបានស្នើសុំបូមខ្សាច់ ប៉ុន្តែឥឡូវក្រសួងនឹងធ្វើការវាយតម្លៃអំពីផលប៉ះពាល់ក្នុងឧស្សាហកម្មទាំងមូល ដើម្បីធានាឲ្យបានថា ក្រុមហ៊ុនទាំងអស់ធ្វើប្រតិបត្តិការប្រកបដោយនិរន្តរភាព។ គ. ការកំណត់ថ្លៃអតិបរមារបស់ខ្សាច់៖ ក្រសួងបានកែសម្រួលវិធានការកំណត់តម្លៃខ្សាច់របស់ខ្លួន ដើម្បីទប់ស្កាត់ការសមគំនិតគ្នាដាក់ថ្លៃខ្សាច់ខ្ពស់ ដែលឧស្សាហកម្មសាងសង់ដែលងាយរងគ្រោះ ពីមុនបានរអ៊ូរទាំអំពីថ្លៃខ្សាច់ឡើងខ្ពស់នៅខែឧសភា ក្រោយពីការបូមខ្សាច់ត្រូវបានផ្អាក រហូតដល់មានការសិក្សាអំពីផលប៉ះពាល់លើបរិស្ថាន។ ខណៈដែលក្រុមហ៊ុននានាត្រូវលក់ខ្សាច់ឱ្យដេប៉ូនានាក្នុងតម្លៃឋេរ ៣,៣០ ដុល្លារ ដេប៉ូទាំងនោះអាចយកថ្លៃពីអតិថិជនរហូតដល់ ៤,៥០ ដុល្លារក្នុងមួយម៉ែត្រគូប។ ប្រសិនបើក្រុមហ៊ុនណាមួយនៅក្នុងខ្សែសង្វាក់ផ្គត់ផ្គង់់បង្កើនថ្លៃលើសពីថ្លៃអតិបរមាន ក្រុមហ៊ុននោះនឹងត្រូវបាត់បង់អាជ្ញាប័ណ្ណ។ ឃ.ដំណើរការថ្មីសម្រាប់ការផ្ដល់អាជ្ញាប័ណ្ណ៖ ដំណើរការដេញថ្លៃត្រូវមានតម្លាភាព ពីព្រោះក្រសួងបង្ហាញពីថ្លៃ ដែលដាក់ស្នើដោយក្រុមហ៊ុនដេញថ្លៃជាសាធារណៈ។ អាជ្ញាប័ណ្ណបូមខ្សាច់មានសុពលភាពរយៈពេលពីរឆ្នាំ។ ក្រុមហ៊ុនទាំងនេះត្រូវដាក់ប្រាក់តំកល់ចំនួន ៥០.០០០ […]