បាឋកថាគោលនយោបាយ

កិច្ចពិភាក្សាស្តីពី បម្រែបម្រួលអាកាសធាតុ យេនឌ័រ និងតំបន់មេគង្គ

នៅថ្ងៃទី២១ ខែវិច្ឆិកា ឆ្នាំ២០២៤ វិទ្យាស្ថានខ្មែរសម្រាប់កិច្ចសហប្រតិបត្តការ និងសន្តិភាព បានរៀបចំកិច្ចពិភាក្សាមួយដែលផ្តោតទៅលើ «បម្រែបម្រួលអាកាសធាតុ យេនឌ័រ និងតំបន់មេគង្គ» ជាមួយភាគីពាក់ព័ន្ធក្នុងស្រុក និងតំបន់ ដែលមានសមាសភាពមកពីក្រសួង​ តំណាងស្ថានទូតបរទេសនៅភ្នំពេញ ស្ថាប័នស្រាវជ្រាវ មហាវិទ្យាល័យ និងអង្គការសង្គមស៊ីវិល។

អំឡុងពេលដែលការប្រែប្រួលអាកាសធាតុនៅក្នុងតំបន់ទន្លេមេគង្គ កំពុងផ្តល់ផលប៉ះពាល់លើគ្រប់វិស័យ ជាពិសេសសហគមន៍មូលដ្ឋាន កិច្ចពិភាក្សាខាងលើបានរៀបចំឡើងក្នុងគោលបំណងផ្តោតលើការប្រមូលធាតុចូលពីភាគីពាក់ព័ន្ធសំខាន់ៗ ដើម្បីស្វែងយល់ពីយុទ្ធសាស្ត្រជាក់ស្តែងសម្រាប់ការសម្របខ្លួនទៅបម្រែបម្រួលអាកាសធាតុ ការផ្លាស់ប្តូរគំនិត ដើម្បីកំណត់ឱកាសសម្រាប់កិច្ចសហប្រតិបត្តិការអន្តរជាតិ ដែលអាចគាំទ្រកិច្ចខិតខំប្រឹងប្រែងក្នុងការសម្របខ្លួនទៅនឹងបម្រែបម្រួលអាកាសធាតុនៅ តំបន់ទន្លេមេគង្គ និងលើកកម្ពស់តួនាទីរបស់ស្ត្រីក្នុងភាពជាអ្នកដឹកនាំទាក់ទងនឹងការការពារបរិស្ថាន និងនិរន្តភាពនៅកម្រិតសហគមន៍។

ចំណេះដឹងដែលទទួលបានពីការពិភាក្សាខាងលើនេះ បានរួមចំណែកដល់ការពិភាក្សាផ្សេងទៀត ស្តីពីរបៀបដែលយើងអាចកសាងសង្គមដែលមានសមធម៌ បរិយាបន្ន និងភាពធន់ជាងមុនក្នុងបរិបទបម្រែបម្រួលអាកាសធាតុ។

កម្មវិធីពន្លកចំណេះ កំណត់ថាកិច្ចសហប្រតិបត្តិការ និងការពិភាក្សាប្រកបដោយបរិយាបន្ន មានសារៈសំខាន់សម្រាប់ការអភិវឌ្ឍគោលនយោបាយសាធារណៈ ដែលរៀបចំឡើងក្នុងប្រទេសកម្ពុជា។ ការពិភាក្សាប្រកបដោយបរិយាបន្ន នឹងធានាថា សម្លេងចម្រុះត្រូវបានរាប់បញ្ចូលទៅក្នុងការសម្រេចចិត្ត។

ដើម្បីស្វែងរករូបភាព សូមចុចប៊ូតុង “VIEW EVENT GALLERY” នៅខាងក្រោមនេះ។