ព្រឹត្តិការណ៍ចុងក្រោយ
- កាលបរិច្ឆេទ៖ ថ្ងៃ សុក្រ, 27 មិនា 2026
- ម៉ោង៖ 8:00 am > 12:00 pm
- ចំនួនអ្នកចូលរួម៖ 0
- ទីកន្លែង៖ Phnom Penh
នៅថ្ងៃទី២៧ ខែមីនា ឆ្នាំ២០២៦កម្មវិធីពន្លកចំណេះ និងបណ្តាញស្រ្តីក្នុងវិស័យស្រាវជ្រាវ បានសហការរៀបចំកិច្ចពិភាក្សាចែករំលែកអំពី៖ «ឧបសគ្គ និងសមិទ្ធផលរបស់អ្នកស្រាវជ្រាវជាស្រ្តីនៅក្នុងប្រព័ន្ធអេកូឡូស៊ីស្រាវជ្រាវ និងគោលយោបាយនៅកម្ពុជា» ដែលមានអ្នកចូលរួមប្រមាណជាង ៤០ នាក់ រួមមាន សមាជិកគណៈកម្មាធិការប្រឹក្សាផ្នែកបច្ចេកទេស អ្នកស្រាវជ្រាវ និងសមាជិកបណ្តាញស្រ្តីក្នុងវិស័យស្រាវជ្រាវ។
កិច្ចពិភាក្សាចែករំលែកនេះធ្វើឡើងដើម្បីអបអរសាទរទិវានារីអន្តរជាតិ ២០២៦ ក្នុងគោលបំណងចែករំលែកអំពីបទពិសោធន៍ បញ្ហាប្រឈម និងឱកាសដែលអ្នកស្រាវជ្រាវជាស្ត្រីកំពុងប្រឈម ក៏ដូចជាលើកកម្ពស់ការពិភាក្សារវាងអ្នកស្រាវជ្រាវ និងអ្នកតាក់តែងគោលនយោបាយ ដើម្បីពង្រឹងភាពជាអ្នកដឹកនាំ និងការចូលរួមរបស់ស្ត្រី។ ការពិភាក្សានេះក៏បានជំរុញការបញ្ចូលក្រុមជំនាញផ្នែកសមភាពយេនឌ័រ ពិការភាព និងបរិយាបន្នសង្គម (GEDSI) នៅក្នុងប្រព័ន្ធស្រាវជ្រាវនៅកម្ពុជា។
កម្មវិធីពន្លកចំណេះ សហការជាមួយដៃគូ ដើម្បីលើកកម្ពស់ការចូលរួមរបស់ ស្ត្រី (និងក្រុមដែលត្រូវបានផាត់ចេញផ្សេងទៀត) នៅក្នុងដំណើរការស្រាវជ្រាវ និងការពិភាក្សាគោលនយោបាយ។
បច្ចុប្បន្នភាពព័ត៌មាន
