ការចុះបញ្ជីអនឡាញរបស់សហគ្រាសធុនតូច និងមធ្យម ជាមធ្យោបាយមួយនៃការកាត់បន្ថយការិយាធិបតេយ្យ អាចកាត់បន្ថយអំពើពុករលួយ និងធានាតម្លាភាព។ ក្រុមហ៊ុនទើបតែចាប់ផ្ដើម ដែលមានដើមទុន ៣.០០០ ដុល្លារ ឬច្រើនជាងនេះ នឹងអាចចុះបញ្ជីបាន ដោយប្រើប្រាស់ដំណើរការថ្មីនេះ ដែលអាជីវកម្មនានានឹងត្រូវចំណាយពេលត្រឹមតែពីរទៅបីថ្ងៃប៉ុណ្ណោះ ដើម្បីបញ្ចប់។ ប្រសិនបើមនុស្សនាំគ្នាទៅក្រសួង និងដាក់ពាក្យដោយផ្ទាល់ ជាទូទៅត្រូវចំណាយពេលពី ១០ ទៅ ១៥ ថ្ងៃ ដើម្បីបញ្ចប់ដំណើរការទាំងមូល។ See original document here.
ក្រសួងឧស្សាហកម្ម វិទ្យសាស្រ្ត បច្ចេកវិទ្យា និងនវានុវត្តន៍
គំនិតផ្ដួចផ្ដើមឧស្សាហកម្មបៃតង
ក្រសួងឧស្សាហកម្ម និងសិប្បកម្មអំពាវនាវឱ្យក្រុមហ៊ុននានា ធ្វើការស្វែងរកប្រភពថាមពលជំនួស និងប្រភពថាមពលកកើតឡើងវិញ ដែលនឹងកាត់បន្ថយចំណាយលើថាមពល ពង្រឹងសមត្ថភាពផលិតកម្ម និងលើកស្ទួយឧស្សាហកម្មតម្លៃបន្ថែម (ជាឧស្សាហកម្ម ដែលប្រសើរជាងការផលិតត្រឹមតែវត្ថុធាតុដើម ដោយមិនមានចំណាយ បន្ថែមទៀតឡើយ)។ សិក្ខាសាលាស្ដីពីឧស្សាហកម្មបៃតងមានគោលបំណងជំរុញការប្រើប្រាស់ថាមពលប្រកបដោយប្រសិទ្ធភាព ថាមពលកើតឡើងវិញ និងថាមពលជំនួសក្នុងចំណោមឧស្សាហកម្មសំខាន់ៗរបស់កម្ពុជា។ សិក្ខាសាលានេះមានគោលដៅជាក់លាក់មកលើរោងចក្រធ្វើឥដ្ឋ ដែលត្រូវបានចាត់ទុកថា ជាឧស្សាហកម្មមួយ ដែលចាំបាច់ត្រូវអនុវត្តន៍ដែលអំណោយផលដល់បរិស្ថានជាងនេះ។ See original document here.
រៀបចំសៀវភៅណែនាំស្ដីពីការចុះធ្វើអធិការកិច្ច
សៀវភៅណែនាំនេះត្រូវបានរៀបចំឡើង ដើម្បីធានាឲ្យបានថា សហគ្រាសធុនតូច និងមធ្យម យល់អំពីច្បាប់ទាក់ទងនឹងការចុះធ្វើអធិការកិច្ចរបស់រាជរដ្ឋាភិបាល និងដើម្បីជួយទប់ស្កាត់ការប៉ុនប៉ងគំរាមកំហែងយកប្រាក់ពីសំណាក់អ្នកចុះត្រួតពិនិត្យដែលពុករលួយ។ គោលការណ៍ណែនាំនេះគ្របដណ្តប់ទៅលើការចុះធ្វើអធិការកិច្ចជាច្រើនចាប់ពីអនាម័យចំណីអាហារ ដល់សុខភាព និងសុវត្ថិភាព។ See original documents here and here.
រៀបចំប្រព័ន្ធទទួលស្គាល់គុណភាពថ្នាក់ជាតិថ្មី
ប្រព័ន្ធថ្មីមួយត្រូវបានរៀបចំឡើង ដើម្បីធានាថា រាល់ផលិតផល ដែលផលិតនៅកម្ពុជាទាំងអស់ស្របតាមស្ដង់ដារគុណភាពអាស៊ាន និងអន្តរជាតិ នៅខណៈដែលព្រះរាជាណាចក្រកម្ពុជាត្រៀមខ្លួនសម្រាប់សមាហរណកម្មតំបន់នៅចុងឆ្នាំនេះ។ ក្រសួងឧស្សាហកម្ម និងសិប្បកម្មត្រូវការធានាឲ្យបានថា ក្រុមហ៊ុន និងទីភ្នាក់ងារនានា ដែលផ្ដល់សេវាធ្វើវិញ្ញាបនបត្រកម្មផលិតផលមានជំនាញក្នុងការធ្វើបែបនេះ និងកំពុងធ្វើប្រតិបត្តិការទៅរកស្ដង់ដារដ៏ខ្ពស់បំផុត។ រាល់ផលិតផលដែលផលិតនៅកម្ពុជាទាំងអស់ រួមមាន សម្លៀកបំពាក់ អង្ករ នំផលិតនៅក្នុងស្រុក ទឹកច្រកដប ជាដើម តម្រូវឱ្យមានការបញ្ជាក់ពីគុណភាព នៅពេលវេចខ្ចប់ និងលក់ទាំងនៅក្នុងស្រុក និងនៅក្រៅប្រទេស។ ក្រុមប្រឹក្សាជាតិស្ដង់ដារនៃប្រទេសថៃនឹងធ្វើការជាមួយនាយកដ្ឋានទទួលស្គាល់គុណភាពរបស់ក្រសួងឧស្សាហកម្ម និងសិប្បកម្ម ដើម្បីដំឡើងប្រព័ន្ធនេះ។ បច្ចុប្បន្ន ប្រព័ន្ធទទួលស្គាល់គុណភាព និងមន្ទីរពិសោធន៍របស់កម្ពុជាស្ថិតនៅក្រោមការមើលការខុសត្រូវរបស់ក្រសួងឧស្សាហកម្ម និងសិប្បកម្ម ក្រសួងកសិកម្ម និងក្រសួងសុខភាពសាធារណៈ។ ឥឡូវ នាយកដ្ឋានទទួលស្គាល់គុណភាព ដែលទើបតែបង្កើតថ្មីក្រោមការគ្រប់គ្រងរបស់ក្រសួងឧស្សាហកម្ម និងសិប្បកម្ម នឹងដើរតួនាទីជាអង្គភាពត្រួតពិនិត្យរបស់រដ្ឋាភិបាលតែមួយគត់ក្នុងការធ្វើឱ្យដំណើរការនេះឲ្យកាន់តែឆាប់រហ័ស និងមានលក្ខណៈស្មុគស្មាញតិចជាងមុន។ See original document here.
ការលើកស្ទួយ សហគ្រាសធុនតូច និងមធ្យម
ក្រសួងឧស្សាហកម្ម និងសិប្បកម្ម កំពុងស្ថិតនៅក្នុងដំណើរការនៃការធ្វើសេចក្តីព្រាងគោលនយោបាយស្ដីពីការលើកស្ទួយសហគ្រាសធុនតូច និងមធ្យម ក្នុងគោលបំណងដើម្បីផ្ដល់ក្របខ័ណ្ឌថ្នាក់ជាតិមួយ ដើម្បីលើកស្តួយ និងធ្វើនិយ័តកម្មលើសហគ្រាសធុនតូច និងមធ្យម ក៏ដូចជាពន្យល់យ៉ាងលម្អិតអំពីរបបពន្ធច្បាស់លាស់មួយសម្រាប់វិស័យនេះ។ គោលនយោបាយនេះមានគោលបំណងផ្ដល់ផែនទីចង្អុលផ្លូវច្បាស់លាស់មួយសម្រាប់ការអភិវឌ្ឍសហគ្រាសធុនតូច និងមធ្យមនៅក្នុងព្រះរាជាណាចក្រកម្ពុជា តាមរយៈការបង្កើតនិយមន័យជាតិនៃសហគ្រាសធុនតូច និងមធ្យម ការធ្វើឱ្យវិធានពន្ធមានលក្ខណៈសាមញ្ញ ដើម្បីឱ្យអាជីវកម្មនានាប្រើប្រាស់វិធីសាស្ត្រធ្វើបញ្ជីគណនេយ្យ និងគោរពតាមពន្ធដារកាន់តែប្រសើរឡើង។ See original documents here and here.