បាឋកថាគោលនយោបាយ

កាលពីថ្ងៃទី ២៩ ខែកក្កដា ឆ្នាំ ២០២៦ អង្គការអ្នកអភិវឌ្ឍន៍សហគមន៍សហការជាមួយភាគីពាក់ព័ន្ធមកពីឃុំ ​សាលារៀន មណ្ឌលសុខភាព សាកលវិទ្យាល័យ និងអង្គការមិនមែនរដ្ឋាភិបាល បានសហការ រៀបចំសិក្ខាសាលាស្តីពី «វេទិកាបរិយាបន្ន និងប្រសិទ្ធភាពនៃការអភិវឌ្ឍនៅថ្នាក់ក្រោមជាតិ» នៅខេត្តកំពង់ចាម ដែលមានអ្នកចូលរួមចំនួន ៣២ នាក់។

សិក្ខាសាលានេះបានបង្កើតបរិយាកាសសម្រាប់ភាគីពាក់ព័ន្ធក្នុងមូលដ្ឋាន ឆ្លុះបញ្ចាំងសមិទ្ធផលការងារ ចែករំលែកបទពិសោធន៍ជាក់ស្តែង និងដកស្រង់មេរៀនសំខាន់ៗសម្រាប់ការអនុវត្តនាពេលអនាគត។ ប្រធានបទពិភាក្សាសំខាន់ៗរួមមាន៖ ការសម្រេចសកម្មភាពដែលបានគ្រោងទុកនៅគ្រប់ឃុំគោលដៅទាំងអស់ ព្រមទាំងយុទ្ធសាស្ត្រជាក់ស្តែងក្នុងការលើកកម្ពស់ការចូលរួមរបស់ប្រជាពលរដ្ឋប្រកបដោយបរិយាបន្ន និងការសម្រួលនីតិវិធីទទួលបានប័ណ្ណក្រីក្រ សម្រាប់គ្រួសារងាយរងគ្រោះ។

អ្នកចូលរួមបានផ្លាស់ប្តូរទស្សនៈ និងបទពិសោធន៍លើកិច្ចសហប្រតិបត្តិការអន្តរវិស័យ ចែករំលែកបច្ចុប្បន្នភាពនៃវឌ្ឍនភាព និងអះអាងឡើងវិញនូវការប្តេជ្ញាចិត្តក្នុងការធ្វើការរួមគ្នាដើម្បីពង្រឹងអភិបាលកិច្ចមូលដ្ឋាន។ សិក្ខាសាលានេះក៏បានបង្កើតបរិយាកាសសម្រាប់ការរៀនសូត្រពីគ្នាទៅវិញទៅមក ការចូលរួមបែបបរិយាបន្ន និងកិច្ចសហប្រតិបត្តិការកាន់តែរឹងមាំរវាងអាជ្ញាធរមូលដ្ឋាន និងដៃគូសហគមន៍ ដើម្បីគាំទ្រដល់ការអភិវឌ្ឍមូលដ្ឋានប្រកបដោយចីរភាព។

ថវិកាគាំទ្រសកម្មភាពបែបនវានុវត្តន៍របស់កម្មវិធីពន្លកចំណេះគាំទ្រគំនិតផ្តួចផ្តើមក្នុងស្រុក ដោយដោះស្រាយបញ្ហាជាក់លាក់នៅមូលដ្ឋាន តាមរយៈកិច្ចសហការរវាងអង្គការសង្គមស៊ីវិល និងអាជ្ញាធរមូលដ្ឋាន ដើម្បីលើកកម្ពស់បរិយាបន្ន និងការចូលរួមប្រកបដោយអត្ថន័យរបស់សហគមន៍។