សេចក្តីប្រកាស

កម្មវិធីពន្លកចំណេះមានសេចក្ដីរីករាយក្នុងការចូលរួមអបអរសាទរទិវាអភិវឌ្ឍន៍ជនបទពិភពលោក ឆ្នាំ២០២៦ ក្រោមប្រធានបទ «អំណាចជនបទ ផលជះជាសកល» ។ ថ្ងៃនេះជាវេលាមួយដើម្បីអបអរដល់ភាពជាអ្នកដឹកនាំ ភាពធន់ និងការរួមចំណែករបស់សហគមន៍ជនបទ និងការប្តេជ្ញាចិត្តរួមគ្នារបស់ក្នុងការកសាងសហគមន៍ប្រកបដោយបរិយាបន្ន និងចីរភាព។

ក្នុងឱកាសនេះ យើងសូមចែករំលែក «គោលនយោបាយស្តីពី ការអភិវឌ្ឍជនបទ ឆ្នាំ២០២៥-២០៣៥» របស់កម្ពុជា ដែលជាក្របខ័ណ្ឌជាតិក្នុងការកសាងសហគមន៍ជនបទឱ្យមានភាពរុងរឿង បរិយាបន្ន ភាពធន់ និងចីរភាព។

តាមរយៈភាពជាដៃគូជាមួយរដ្ឋាភិបាល អង្គការសង្គមស៊ីវិល និងស្ថាប័នស្រាវជ្រាវ កម្មវិធីពន្លកចំណេះគាំទ្រ៖

• ការស្រាវជ្រាវដែលផ្អែកលើទិន្នន័យជាក់លាក់
• សហគមន៍ចម្រុះមានភាពងាយស្រួលក្នុងការទទួលបានព័ត៌មានទាក់ទងនឹងការលទ្ធផលនៃការស្រាវជ្រាវ និងគោលនយោបាយ
• ការលើកកម្ពស់សំឡេង និងទស្សនៈរបស់សហគមន៍ក្នុងកិច្ចពិភាក្សាគោលនយោបាយសាធារណ

ថ្ងៃនេះ យើងអបអរសាទរវឌ្ឍនភាពដែលបានធ្វើ និងធានាថា សហគមន៍អាចចូលរួមក្នុងការរួមចំណែកដល់ដំណើរការគោលនយោបាយ និងអនាគតរឹងមាំរបស់ប្រទេសកម្ពុជា ដោយមិនទុកនរណាម្នាក់ចោល។